Teńge depozıtterine 10% ótemaqy tóleý ózin aqtady ma – sarapshy pikiri

ASTANA. QazAqparat – Táýelsiz qarjy sarapshysy Andreı Chebotarev teńge depozıtterine 10% ótemaqy tóleý sharasyn sátti protsedýra retinde baǵalap otyr, habarlaıdy QazAqparat tilshisi.

«Búgin salymshylarǵa naqty aqsha aýdaryla bastady. Baǵdarlama ózi aqtady. Bir jyl buryn daǵdarys kezinde depozıtterdiń aýytqýy tirkelgen joq. Kerisinshe, rekordtyq kólemde jańa depozıtter paıda boldy. Depozıtterdiń dollarlanýy bolǵan joq. Sondyqtan baǵdarlama ózin aqtady», - dedi sarapshy.

Sondaı-aq ol ótemaqyǵa tólenetin aqshanyń Ulttyq qordan emes, memlekettik bıýdjetten alynǵanyn erekshe atady.

«Osynyń bárin eskerip, baǵdarlama sátti aıaqtaldy deýge bolady. Óıtkeni óz mindetin oryndady», - dep túıindedi Andreı Chebotarev.

Eske salsaq, teńgelik depozıtterge ótemaqy tóleýge arnalǵan qarajat bankterge tústi. Keıbir bankter salymshylaryna ótemaqy tóleı bastady.