Teńge depozıtteri boıynsha usynylatyn eń joǵary syıaqy mólsherlemesi ózgerissiz qaldyrdy

NUR-SULTAN. QazAqparat - Qazaqstannyń depozıtterge kepildik berý qory teńge depozıtteri boıynsha 2020 jyldyń jeltoqsan aıyna usynylatyn eń joǵary syıaqy mólsherlemelerin bekitti, dep habarlaıdy QazAqparat qordyń baspasóz qyzmetine silteme jasap.

Qazaqstannyń Ulttyq banki bazalyq mólsherlemeniń mánin bekitý aıasynda 26 qazanda ony ózgerissiz qaldyrý týraly sheshim qabyldady. Nátıjesinde depozıtter boıynsha mólsherlemelerdiń kópshiligi ózgertilgen joq.

«Qor usynatyn maksımaldy syıaqy mólsherlemeleri 24 aılyq merzimdi depozıtterdiń tolyqtyrýǵa bolatyn túri boıynsha – 9,1 paıyzdy, al tolyqtyrýǵa bolmaıtyn túri boıynsha – 9,4 paıyzdy qurady. Depozıtterdiń osy túri salymshylar arasynda onsha tanymal emes. Onyń ústine basqa merzimderge arnalǵan merzimdi salymdarmen salystyrǵanda aıyrmashylyǵy az. Bankter osy sebepten olarǵa qatysty paıyzdardy birtindep tómendetýde», delingen habarlamada.

Bul rette depozıtterdiń osy túri boıynsha salymshylarǵa aqsha alýǵa qatysty aıtarlyqtaı shekteý qoıylmaıdy. Sondyqtan bankter bul depozıtter boıynsha merzimdiligi úshin syılyqaqy eseptemeıdi.