Teńge depozıti boıynsha eń joǵary syıaqy mólsherlemesi bekitildi

ALMATY. QazAqparat – Qazaqstandyq depozıtterge kepildik berý qory 2020 jyldyń qazan aıyna teńgelik depozıtter boıynsha eń joǵary usynylatyn syıaqy mólsherlemesin bekitti. Bul týraly QazAqparat qordyń baspasóz qyzmetine silteme jasap habarlaıdy.

Depozıtterdiń kópshiligi boıynsha mólsherlemeler burynǵy deńgeıinde qaldy. Merzimsiz depozıt boıynsha mólsherlemeler Ulttyq banktiń bazalyq mólsherlemesine sáıkes keletindikten, jylyna 9 paıyzdyq deńgeıde saqtalady.

«Tolyqtyrý quqyǵy joq, 24 aıǵa arnalǵan merzimdi jáne jınaq depozıtter boıynsha ǵana naryqtyq mólsherleme ózgeriske ushyrady. Sáıkesinshe osy salymdar boıynsha usynylǵan eń joǵary mólsherleme qaıta qaraldy.

Memlekettik baǵaly qaǵazdardyń tabystylyq aýytqymasynyń ózgerýi (merzimder arasyndaǵy spredtiń qysqarýy), sáıkesinshe tolyqtyrý quqyǵy qunynyń josparly túrde qaıta qaralýy nátıjesinde tolyqtyrý quqyǵy bar, 1 jáne 2 jylǵa arnalǵan merzimdi jáne jınaq depozıtterdiń shekti mólsherlemesi ósti. Depozıttiń osy túrleri merzimsiz salymdarmen salystyrǵanda tartymdy bola túsýde»,– dep habarlady qordyń baspasóz qyzmeti.