Teńge baǵasy bir aıda 6,8%-ǵa nyǵaıdy – Ulttyq bank

NUR-SULTAN. QazAqparat - Mamyr aıynyń qorytyndysy boıynsha teńge baǵamy 1 dollar úshin 415,16 teńgege deıin nemese 6,8%-ǵa nyǵaıdy. Bul týraly QazAqparat Ulttyq bankke silteme jasap habarlaıdy.

Saýda-sattyqtyń jalpy kólemi 2,2 mlrd AQSh dollary bolǵan kezde Qazaqstan qor bırjasyndaǵy saýda-sattyqtyń ortasha kúndik kólemi 115 mln AQSh dollaryn qurady. «Ulttyq valıýtanyń nyǵaıýyna birqatar faktor áser etti, onyń ishinde: energııa tasymaldaýshylardyń turaqty joǵary baǵasy men eksporttaýshylardyń salyqtyq tólemder kezeńi, jeke tulǵalar tarapynan shetel valıýtasyna suranystyń tómendeýine baılanysty naryqqa qatysýshylardyń sentımentiniń ózgerýi, reseı rýbliniń de, tutastaı alǵanda, damýshy elderdegi valıýtalardyń baǵamy da bar. Sonymen qatar valıýta naryǵyndaǵy usynys kólemi mamyrda, shamamen, 598 mln AQSh dollaryn quraǵan kvazımemlekettik sektor sýbektileriniń valıýtalyq túsimdi satýy esebinen qoldaý tapty», - delingen Banktiń habarlamasynda.