Teńge baǵamynyń ózgerýi «Turǵyn úı qurylys jınaq bankiniń» salymshylaryna áser etpeıdi

ASTANA. QazAqparat - Valıýta baǵamynyń ózgerýine baılanysty «Qazaqstannyń Turǵyn úı qurylys jınaq banki» AQ-nyń salymshylary úshin osyǵan deıingi kelisimsharttar men qalyptasqan pýldar boıynsha alynatyn úılerdiń baǵasy ózgermeıdi, dep habarlady banktiń baspasóz qyzmetinen.

«Teńge baǵamynyń ózgerýi «Qazaqstannyń Turǵyn úı qurylys jınaq banki» AQ-nyń qyzmetine bank mindettemeleri men aktıvteri ulttyq valıýtamen júzege asyrylǵannan keıin áser etpeıdi», - dep jazylǵan banktiń baspasóz habarlamasynda.

Sonymen birge, bank baǵdarlamalarynyń aıasynda banktik qaryzdar (zaım) boıynsha paıyzdyq mólsherlemeler de ózgerissiz qalady, dep kórsetken «Turǵyn úı qurylys jınaq banki». «Banktiń barlyq mólsherlemeleri men tarıfteri qandaı da bir sheteldik valıýta men ınflıatsııa deńgeıine qatyssyz belgilenedi», - delingen habarlamada.

Bank málimetteri boıynsha, onyń negizi qalanǵannan beri 3,5-5 paıyzdyq mólsherlememen 32 myń qaryz berilgen. Sondaı-aq 5-7 paıyzdyq mólsherlememen 7 myńǵa jýyq, 7,2-10 paıyzdyq mólsherlememen 22 myńnan astam qaryz berilgen. Turǵyn úı zaemdary boıynsha osy kezge deıin júzege asyrylyp kele jatqan banktiń tarıftik baǵdarlamalary boıynsha engizilgen datasynan beri ózgergen joq. Aralyq zaemdar boıynsha paıyzdyq mólsherlemeler 2013 jyldyń 1 qańtarynda 30 paıyzǵa tómendetildi.