Teńge baǵamyn túzetý kezinde keden qyzmetinde eshqandaı ózgeris bolǵan joq
19:13, 14 Aqpan 2014
ASTANA. QazAqparat - Teńge baǵamyn túzetý kezinde eshqandaı ózgeris bolǵan joq, kedendik tazartý Keden odaǵy men Qazaqstan Respýblıkasynyń keden zańnamasyna sáıkes burynǵydaı júrgizilýde.
Bul týraly búgin Ortalyq kommýnıkatsııalar qyzmetinde ótken brıfıngte QR Qarjy mınıstrligi Keden komıteti tóraǵasynyń orynbasary Amanııaz Erjanov málim etti.
"11-13 aqpan kúnderi ótkizý pýnkterinde, atap aıtqanda Keden odaǵynyń qazaqstandyq ýchaskesinde syrtqy ekonomıkalyq qyzmetke qatysýshylardyń jınaqtalyp qalýy bolǵan joq. Barlyq ótkizý pýnkteri osy ýaqytqa deıin qalaı jumys istese, áli de sol rejımde jumys istep jatyr" - dep atap ótti ol.
Onyń aıtýynsha, sońǵy kúnderi taýarlardy kontrabandalyq jolmen ákelýdiń aıtarlyqtaı ósýi baıqalmady. 11-12 aqpan aralyǵynda keden organdary 7 qylmystyq is qozǵady.