Teńge jyl basynan beri 4%-ǵa nyǵaıdy - Aqyshev
Konferensıanyń basynda bas bankir ekonomikalyq ahýal týraly aıtyp berdi.
«Jyl basynan beri ınflasıanyń tómendeýi baıqalady. Qazir ınflasıa kórsetkishi 6,8 paıyz. Bul bıylǵy ınflasıa dálizine (5-7 paıyz) sáıkes kelip otyr. Altyn valıýtalyq rezervterimiz 3,2 paıyzǵa, ıaǵni 31,7 mlrd dollarǵa jetti. Ulttyq qor aktıviniń kólemi 58,3 mlrd dollarǵa jetti. Qazaqstanda teńge ótimdiligi shamadan artyp tur. Qysqa merzimdi nottardy paıdalanýdyń arqasynda onyń kólemi 4 trln teńgege jetti. Quraldar boıynsha tabys tómendep keledi, nottar boıynsha tabystylyq 4,02%»,- dedi Aqyshev.
Bas bankır teńgeniń ahýaly týraly da aıtyp ótti.
«Jyl basynan beri teńge 4 paıyzǵa nyǵaıǵan. Teńgege suranys qańtarda artty. EDB qańtar aıynda 830 mlrd teńge kóleminde nesıe bergen. Nesıe boıynsha paıyzdyq kórsetkish 14,7%-ǵa jetti»,- dedi Danıar Aqyshev.