Temirtaýdaǵy QarMAES-1 sorǵy stantsııasynda apat boldy

<p>Temirtaý qalasyndaǵy QarMAES-1 sorǵy stantsııasynda apattyq jaǵdaı oryn aldy. Oqıǵa saldarynan stantsııanyń qazandyqtary rezervtik otynǵa aýystyryldy, dep habarlaıdy Kazinform agenttiginiń tilshisi.</p>

Temirtaýdaǵy QarMAES-1-de oryn alǵan apat temperatýralyq kesteniń tómendeýine ákeldi.

Ázirge turǵyn úılerdegi jylý jaǵdaıy týraly aqparat joq.

"KarMAES-1-degi bagerlik sorǵynyń avarııalyq ajyratylýy saldarynan stantsııanyń qazandyq agregattary rezervtik otynǵa (mazýt) aýystyryldy. Jedel shtab quryldy. Qazirgi ýaqytta temperatýra grafıgin qalypqa keltirý júrip jatyr. Tehnologııalyq buzýshylyqtardy joıý boıynsha jumystar júrgizilýde", - dep habarlady Temirtaý qalasy ákimdiginiń baspasóz qyzmeti.