Temirtaýdaǵy gaz jarylysy: apattyń boljaldy sebebi aıtyldy

<p>TEMІRTAÝ. KAZINFORM &mdash; Temirtaý qalasyndaǵy dúkende bolǵan jarylystyń boljaldy sebebi aıtyldy.&nbsp;</p>

Qaraǵandy oblysynyń Tótenshe jaǵdaılar departamenti naqtylaǵan derekterge sáıkes, jarylys bolǵan jerde úıindilerdi arshý jumystary áli de jalǵasyp jatyr.

Atap aıtqanda, arshý kezinde garajdan avtokólikter tabylǵan, olardyń bireýinde gaz jabdyqtary bolǵan. Qutqarýshylar jábirlenýshiniń aıǵaqtaryna súıene otyryp, jertólede bolǵan avtokóliktiń aqaýly gaz jabdyǵy jarylysqa sebep bolýy múmkin ekeni aıtyldy. 

«1993 jyly týǵan jábirlenýshiniń dúkenge kirip, ottyq satyp alyp, ony tekserý maqsatynda tutatqany anyqtaldy. Osy ýaqytta 2-3 sekýnd ishinde jarylys bolyp, qabyrǵalar qulaǵan. Osyǵan baılanysty gaz-aýa qospasy jarylǵan degen nusqa qarastyrylyp otyr. Oqıǵanyń sebebi men mán-jaıy anyqtalýda», - dep habarlady vedomstvodan.

QR QK 292-baby, 2-bóligi boıynsha «Abaısyzda adam ólimine ákep soqtyrǵan órt qaýipsizdigi erejelerin buzý» boıynsha qylmystyq is qozǵaldy. 

Esterińizge sala keteıik, búgin tańǵy saǵat 8:06-da Temirtaýda eki qabatty dúkende gaz jaryldy. Qutqarýshylar úıindilerdiń astynan 1973 jyly týǵan áıeldiń denesin tapty. Belgili bolǵandaı, marqum dúken satýshysy bolǵan. Taǵy bir áıel úıindilerdiń astynan shyǵaryldy, ol aýrýhanada jatyr.