Temirtaýda Ulttyq ulannyń 36 áskerı qyzmetshisi juqpaly aýrýlar aýrýhanasyna jatqyzyldy
21:45, 20 Tamyz 2024
<p>TEMІRTAÝ. KAZINFORM – Ulttyq ulan sarbazdardy jappaı aýrýhanaǵa tústi. Bul týraly QR Ulttyq ulanynyń «Ortalyq» óńirlik qolbasshylyǵy baspasóz qyzmeti habarlady. </p>
«2024 jylǵy 18 tamyzda Temirtaý qalasynyń juqpaly aýrýlar aýrýhanasyna 36 áskerı qyzmetshi jatqyzyldy. Onyń ishinde 31 áskerı qyzmetshi aldyn ala qoıylǵan ishek ınfektsııasy dıagnozymen jáne 5 áskerı qyzmetshi jiti respıratorlyq vırýstyq ınfektsııalar dıagnozymen jatqyzylǵan. Qajetti epıdemııaǵa qarsy is-sharalar ótkizildi», — delingen habarlamada.
Qazirgi ýaqytta naýqastardyń jaǵdaıy qanaǵattanarlyq. Búginde oshaq lokalızatsııalanǵan, jańa ótinishter tirkelgen joq. Osy fakti boıynsha qyzmettik tergeý júrgizilip jatyr.