Temirtaý medıtsınalyq mekemelerinen birqatar zań buzýshylyq anyqtaldy

<p>ASTANA. KAZINFORM - Temirtaý qalasynyń prokýratýrasy medıtsınalyq mekemelerdi dári-dármekpen qamtamasyz etý jáne qarjylandyrýda zań buzýshylyqtardy anyqtady, dep habarlaıdy Qaraǵandy oblysy prokýratýrasynyń baspasóz qyzmeti.&nbsp;</p>

Temirtaý qalasynyń prokýratýrasy densaýlyq saqtaý uıymdarynda sońǵy úsh jylda dári-dármekpen qamtamasyz etý jaǵdaıyn tekserdi.

Tekserý barysynda dári-dármek taǵaıyndaýdyń belgilengen normalarynan asyp ketý, emdelýshini qabyldaýdy tirkeýsiz jaramdylyq merzimi ótip ketken dári-dármekterdi berý, sondaı-aq halyqtyń jan basyna shaqqandaǵy qarjylandyrýdaǵy buzýshylyqtar anyqtaldy.

Atap aıtqanda, «Jeke tulǵalardy alǵashqy medıtsınalyq-sanıtarlyq kómek kórsetetin densaýlyq saqtaý uıymdaryna bekitý Qaǵıdalaryn» buza otyryp, Qazaqstan Respýblıkasynan tys jerge turaqty turýǵa ketken azamattardy tirkeýdiń 76 faktisi anyqtaldy.

Jol berilgen buzýshylyqtar úshin emhanalardyń 20-dan astam qyzmetkeritártiptik jaýapkershilikke, onyń ishinde 2-eýiákimshilik jaýapkershilikke tartyldy.

Sonymen qatar, prokýratýranyń qadaǵalaý aktisi boıynsha «Áleýmettik medıtsınalyq saqtandyrý qory» UAQ Fılıaly halyqty dári-dármekpen qamtamasyz etý jáne jan basyna shaqqandaǵy qarjylandyrýdaǵy buzýshylyqtar úshin respýblıkalyq bıýdjetke 16 mıllıon teńgeden astam qarajatty qaıtarý sharalaryn qabyldady.