Temirtaý karateshileri Eýropa chempıonatynda bes medal jeńip aldy

<p>TEMІRTAÝ. KAZINFORM &mdash; Rýmynııada ótken kıokýshınkaı-kan karateden Eýropa chempıonatynda Temirtaýdyń ORBJSM tárbıelenýshileri tórt altyn men kúmis medal jeńip aldy. Jarys Klýj-Napoka qalasynda ótti. Saıysqa 25 elden 600-den astam jaýynger qatysty. Qazaqstan quramasy daıyndyq pen joǵary deńgeıli sheberlikterin kórsete otyryp, jalpy komandalyq úshinshi orynǵa ıe boldy. Bul týraly Qaraǵandy oblystyq ákimdiginiń baspasóz qyzmeti málim etti.&nbsp;</p>

Kata jáne kýmıte túrleri boıynsha bes temirtaýlyq óner kórsetti.

Aıdos Aıdarov (14–15 jas, 40 kelige deıin) kata jáne kýmıte bólimderinde jeńiske jetip, eki dúrkin chempıon atandy. Kýmıtede Nurbol Samatov (14–15 jas, 50 kelige deıin) jáne Temirbolat Aldabergenov (14–15 jas, 55 kelige deıin) altyn medal, al Artem Grýshanskıı kúmis (14–15 jas, 55 kelige deıin) aldy.

Foto: Qaraǵandy oblystyq ákimdiginiń baspasóz qyzmeti

– Bul báseke óte joǵary týrnır boldy. Balalar jaqsy nátıje kórsetti, – deıdi Qaraǵandy oblysynyń kıokýshınkaı-kan karateden aǵa jattyqtyrýshysy Igor Lım. – Munyń bári sportshylardyń kúsh-jigeriniń arqasynda qol jetkizgen jetistik, óıtkeni olar kúnine eki ret jattyǵady. Árıne, sportshylardy daıyndaǵan jáne olarǵa sengen jattyqtyrýshylardyń eńbegi. Artem men Temirbolat óz sanatyndaǵy barlyq qarsylastarynan basym boldy, fınalda bir-birimen kezdesti. Al Ivan Vılıtovskıı úsh raýndqa – negizgi, qosymsha jáne ekstra-raýndqa tústi. Ókinishke oraı, ol ýkraınalyq jaýyngerge ese jiberáp aldy.

Foto: Qaraǵandy oblystyq ákimdiginiń baspasóz qyzmeti

Qazir karateshiler qarasha aıynyń basynda Taldyqorǵanda ótetin Qazaqstan chempıonatyna daıyndalypjatyr.