Temirtas Júsipov bokstan segiz dúrkin Qazaqstan chempıony atandy
Aqmola oblysynyń ókili el birinshiligi fınalynda Nurzat Ońǵarovty (Jambyl oblysy) jeńdi. Osylaısha egiz dúrkin el chempıony boldy.
Temirtas Júsipov 1988 jyly dúnıege kelgen. Qazirge deıin álem (2021), eki dúrkin Azııa chempıony (2013, 2019) ataǵyn jeńip alǵan.
El birinshiligi Qaraǵandy qalasynda ótip jatyr. Búgin fınaldyq jekpe-jekter belgilengen.
Aıta ketsek, el birinshiliginde Nazym Qyzaıbaı (48 keli) búgin fınalda qyzylordalyq Aqbota Bolatpen qolǵap túıistirýi kerek edi.
Alaıda qyzylordalyq sportyshynyń alǵan jaraqatyna baılanysty jekpe-jek ótpeıtin boldy. Sondyqtan Nazym Qyzaıbaı 2024 jylǵy Qazaqstan chempıony atandy.
Aıta ketsek, el birinshiliginiń fınalynda 92 keliden joǵary salmaqta aǵaıyndy Nurlan Saparbaı men Danııal Saparbaı kezdesý kerek edi. Degenmen jekpe-jek ótkizilgen joq. Qarsylasynyń jekpe-jekke shyqpaýyna baılanysty Nurlan Saparbaı 2024 jylǵy Qazaqstan chempıony atandy.