Temirjolshylar sý tasqynynan zardap shekkenderge qaırymdylyq kómegin jiberdi

ASTANA. QazAqparat - «QTJ» UK» AQ qaıyrymdylyq aktsııasy aıasynda sý tasqyny saldarynan zardap shekken turǵyndarǵa arnap jınalǵan azyq-túlik, kıim-keshekterdi óńirlerge jetkizip berý úshin «Respýblıka - Aımaq-damý» qoǵamdyq qoryna ótkizdi.

Kompanııanyń baspasóz qyzmetiniń habarlaýynsha, temirjol kompanııasynyń jáne enshiles kásiporyndardyń, fılıaldardyń eńbekkerleri Áleýmettik jobalar qorynyń bastamasyn biraýyzdan qoldap, qarǵyn sý saldarynan zardap shekken otandastarymyzǵa qol ushyn berýdi sheken. 

Qaıyrymdylyq kómegi Qaraǵandy, Aqmola, Qostanaı, Aqtóbe jáne Shyǵys Qazaqstan oblystaryndaǵy tasqyn sý saldarynan zardap shekken otbasylaryna jóneltiledi.
«Atalmysh óńirlerde tasqyn sý saldarynan kóptegen otbasylar úılerinen kóshirildi. Qazirgi kezde olarda tasqyn sýǵa qarsy apattyq qutqarý jumystary jalǵasýda. Temirjolshylardyń zardap shekkenderge qol ushyn berýi der sezinde qolǵa alynǵan shara»,- deıdi qor dırektory Erbol Keńgirbaev.
«Respýblıka -Aımaq-damý» qoǵamdyq qory temirjolshylardan túsken azyq-túlikter, kıim-keshekterdi sý tasqynynan zardap shekken óńirlerdegi turǵyndarǵa jetkizip beredi.