Temirjolshylar «Nur Otan» partııasyn qoldaıdy

TARAZ. QazAqparat - Búgin «Nur Otan» partııasy Taraz qalalyq saılaýaldy shtabynyń tóraǵasy Batyrbek Qulekeev bastaǵan top «Qazaqstan temir joly» UK» aktsıonerlik qoǵamynyń fılıaly – Jambyl júk tasymaldaý bólimshesiniń ujymymen kezdesti, dep habarlaıdy QazAqparat.

Basqosýǵa Qazaqstan Respýblıkasy Parlamenti Májilisiniń depýtattyǵyna kandıdat Gúldara Nurymova, Jambyl oblystyq máslıhatynyń depýtattyǵyna kandıdat Erqanat Manjýov, Taraz qalalyq máslıhatynyń depýtattyǵyna kandıdat Aıdyn Seıitpenbetov jáne «Jas Otan» jastar qanatynyń eriktileri qatysty.

Júzdesýdi ashyp, júrgizgen Batyrbek Ábdirásiluly aldaǵy qańtarda ótetin Parlament Májilisi jáne barlyq deńgeıdegi máslıhattar saılaýynyń elimiz úshin mańyzy zor ekendigin aıtyp, qatysýshylardy saıası naýqannan tys qalmaýǵa shaqyrdy. Kelesi kezekte sóz alǵan kandıdattar da saılaýdyń ereksheligine toqtalyp, «Nur Otan» partııasynyń bastamalaryna tilge tıek etti. Partııa búginde 17 basymdyqtan turatyn saılaýaldy baǵdarlamasyn usynyp otyr. Onyń ishinde densaýlyq saqtaý, bilim berýdi damytý, jastardy qoldaý, jemqorlyqtyń tamyryna balta shabý, memlekettik apparattyń tıimdiligin arttyrý, zań ústemdigin qamtamasyz etý, qoǵamdyq kelisim men birlikti nyǵaıtý, tabıǵatty qorǵaý, jumyspen qamtý, shaǵyn jáne orta bıznesti qoldaý sııaqty kóptegen mańyzdy mindetter qamtylǵan.

Jıynda temirjolshylar da sóz alyp, júzege asyp jatqan jobalarmen burynnan tanys ekendikterin aıta kele «Nur Otan» partııasyna birkisideı daýys beretindikterin jetkizdi.

«Nur Otan» partııasy Taraz qalalyq saılaý qorynyń qarajatynan tólendi