Temirjolshylar kóktemde bolýy yqtımal tótenshe jaǵdaılarǵa daıyndalýda

 ASTANA. QazAqparat - «Qazaqstan temir joly» UK» AQ ókilderi tasqynǵa qarsy sharalardy júzege asyrý aıasynda 40-tan astam poıyz ben 380 vagonnyń jumysyn uıymdastyrdy, dep habarlady ulttyq kompanııanyń baspasóz qyzmeti.

Temirjolda turaqty qyzmetti qamtamasyz etý maqsatynda kóktemde bolýy múmkin tasqyn kezinde temirjol ınfraqurylymyna zııanyn tıgizýi múmkin jaǵdaılarmen jumys jospary daıyndaldy.

Bul jospar aıasynda sý burǵysh qurylǵylar ázirlenip, tehnıkalardyń daıyndyǵy tekserilip, bógetter men sýaǵarlardyń jaı-kúıine kóńil bólinýde.

Jol baǵytynyń aıryqsha qaterli bólikteriniń tizimi jasalyp, barlyq qajet materıaldar satyp alynýda. Bul Aqtoǵaı - Saıaq, Aqtoǵaı - Dostyq, Beıneý - Mańǵystaý, Zaşıta - Zyrıanovsk - Lenınogorsk, Hromtaý - Altynsarın, Jetigen - Altynkól jáne t.b.

Magıstraldi jeliniń barlyq bólimshelerine tótenshe jaǵdaı bolǵan jaǵdaıda ony tez arada sheshý úshin oblystyq ákimshilikter men tótenshe jaǵdaı boıynsha aýmaqtyq qyzmettermen ózara árekettestikti ńyǵaıtý tapsyrmasy berildi.

Aıta ketetin jaıt, ótken jyly tasqynǵa qarsy sharalar ýaqtyly oryndalǵanyna baılanysty temirjolda daǵdarysty jaǵdaıattar oryn almady.

«Qazgıdromet» málimetteri boıynsha qar qorynyń shamadan tys asýy Qostanaı, Aqmola, Soltústik jáne Shyǵys Qazaqstan oblystarynda baıqalyp otyr.