Temirjolshylar bir kúndik jalaqylaryn Jańaózendegi jol apatynan zardap shekkenderge aýdardy

ASTANA. QazAqparat - «Qazaqstan temir joly» UK» AQ ortalyq apparaty basshylyq quramy, «QTJ-Júk tasymaly» AQ qurylymdyq bólimsheleri, Magıstraldyq jeli dırektsııasy eńbekkerleri bir kúndik jalaqylaryn Mańǵystaý oblysyndaǵy Ózen-Bolashaq temirjol ótkelinde kólik apatynan zardap shekkenderge aýdardy.

 Bul týraly «Qazaqstan temir joly» UK» AQ baspasóz qyzmeti habarlady.

Atalmysh qarjy qarjy zardap shekkenderdiń dári-dármegine jáne emdelýine jumsalýda.  Emdeý oryndaryna dári-dármekti Mańǵystaý jol bólimshesiniń eńbekkerleri jetkizip jatyr.

«Temirjolshylar áriptesteri qıyndyqqa tap bolǵanda qolushyn berýden tys qalǵan joq. Apattan zardap shekkenderge tıisti kómekter berildi. Endigi jerde biz olardyń bilikti dáriger mamandarǵa qaralýyna, tezirek jazylyp ketýine járdemdesýdemiz»,-deıdi «Qazkólikkásip» QB basshysy O. Ahmetbaev.

Buǵan deıin «Qazaqstan temir joly» UK» AQ 20 mıllıon teńgeniqaıǵyly oqıǵadan qaza tapqandar men zardap shekkenderdiń otbasylaryna aýdarǵan bolatyn.