Temirjolshylar Almaty-Petropavl poıyzyn der kezinde toqtatyp, apattyń aldyn aldy

NUR-SULTAN. QazAqparat – Búgin saǵat 10.43-ta kúzetiletin temirjol ótpesinde, Qaraǵandy-Suryptaý - Nur-Sultan ýchaskesinde mashınıst «Almaty-Petropavl» jolaýshylar poıyzyn toqtatty. Ótpeden 200 metr qashyqtyqta relste júk kóligi turyp qalǵan, dep habarlaıdy QazAqparat «QTJ – Júk tasymaly» AQ baspasóz qyzmetine silteme jasap.

Ótpe boıynsha kezekshi Bolat Bekbergenov der kezinde bógegish dabylynyń túımeshesin aǵytyp, oryn alǵan qaýipti mashınıstke eskertip úlgerdi.

Belgili bolǵandaı, júk kóligi temir jol ústine shyǵyp, tehnıkalyq aqaýyna baılanysty kenetten sol jerde turyp qalǵan. Ótpe boıynsha kezekshi men Qaraǵandy lokomotıv paıdalaný deposynyń lokomotıv brıgadasy – mashınıst Vıacheslav Kozlov pen onyń kómekshisi Meıram Ohanovtyń úılesimdi jumysynyń arqasynda poıyz avtomobılge soǵylmady.

Oqys oqıǵa saldarynan poıyz eki saǵatqa keshikti.

Aıta keter bolsaq, 2019 jyly temirjol ótpelerinde 30 jol-kólik oqıǵay tirkelgen. Olardyń basty sebebi – júrgizýshilerdiń jol erejesin buzýy.