Temirtaýlyq murajaı «Astanadaǵy selfı» aktsııasyn bastady

QARAǴANDY. QazAqparat - Temırtaýlyq tarıhı-ólketaný murajaıy «Astanadaǵy selfı» aktsııasyn jarııalady. Aktsııaǵa qatysýshylardyń foto sýretteri elordanyń 20 jyldyǵyna oraılastyrylǵan kórmede kórsetiledi. Bul týraly QazAqparat oblys ákiminiń resmı saıtyna silteme jasap habarlaıdy.

«Qazirgi tańda selfı tanymal janr bolǵandyqtan biz dál osyndaı aktsııany iske qosýdy uıǵardyq. Qatysýǵa qazirdiń ózinde nıet bildirip jatqandar qatary qalyń. Sýretterdi kóptep jiberip jatyr, alaıda olardyń barlyǵy ekspozıtsııaǵa saı kele bermeıdi. Ázirge biz tek 25 sýretti iriktep aldyq», - deıdi murajaıdyń aǵa ǵylymı qyzmetkeri Svetlana Treşeva. 

Aktsııa sharttary boıynsha kórmege tek sapaly jasalǵan jáne elordanyń tanymal nysandary men ǵımarattarynyń mańynda túsirilgen selfıler ǵana qabyldanady. Sýret qaı jyly túsirilgeni mańyzdy emes. 
Foto sýretterdi Temirtaý tarıhı-ólketaný murajaıyna kelesi mekenjaıǵa alyp kelýge bolady: Metallýrgter dańǵyly, 28/4. Olardy A4 formatynda basyp shyǵarý qajet. Foto sýretter mamyrdyń 30-na deıin qabyldanady. 
Kórmeniń ashylýy maýsymnyń 1-ne josparlanyp otyr.