Temirtaýdaǵy qara qar: «ArselorMıttal Temirtaýǵa» qatysty tekserý júrip jatyr

QARAǴANDY. QazAqparat - Qaraǵandy oblysy Ekologııa departamenti «Qazgıdromet» RMK fılıalymen birge Temirtaý qalasynda «qara» tústi qar jaýǵany týraly BAQ-ta jarııalanǵan aqparatty nazarǵa aldy.

Bul týraly QR Ekologııa jáne tabıǵı resýrstar mınıstrliginiń Facebook -paraqshasynan málim boldy, dep habarlaıdy QazAqparat.

Mınıstrlik taratqan málimetterge qaraǵanda, bolǵan jaǵdaıǵa baılanysty tıisti shara qabyldaý maqsatymen Qaraǵandy oblysynyń Ekologııa departamenti «Qazgıdromet» RMK fılıalymen birge «ArselorMıttal Temirtaý» AQ sanıtarlyq-qorǵaý aımaǵyndaǵy atmosferalyq aýanyń hımııalyq quramyn tekserip shyqty.

Sebebi, qaladaǵy negizgi aýany lastaýshy «ArselorMıttal Temirtaý» AQ Bolat departamenti ekeni məlim.

Onyń shyǵaryndysy - qala boıynsha jalpy shyǵaryndynyń 83%-i.

Qazgıdromet RMK deregine qaraǵanda, 2020 jylǵy 31 qańtar-1 aqpan aralyǵynda jaısyz meteorologııalyq jaǵdaı bolǵan (jeldiń bolmaýy).

Qazirde Ekologııa departamenti Arselor Mıttal Temirtaýǵa qatysty tekserý júrgizýde. Basqa da iri kəsiporyndar tekserilip, barlyǵynyń nətıjesi habarlanatyn bolady. Sondaı-aq, Ekologııa departamenti 2019 jylǵy jeltoqsanda «ArselorMıttal Temirtaý» AQ jumysyn tekserip, ol boıynsha JEO-Bý-aýa úrleý stansasy men Qyshqyldy konverter tsehyndaǵy óreskel ekologııalyq zańbuzýshylyqty anyqtaǵan edi.

Departament zańnama talabyna saı, «ArselorMıttal Temırtaý» AQ-ǵa birneshe mıllıard zııan keltirý jəne ony belgilengen merzim ishinde joıý týraly uıǵarym bergen.