Temirtaýda jylý jelisindegi apatqa baılanysty 50-den astam úı jylýsyz qaldy
Qala ákimdiginiń habarlaýynsha, apat keshe túnde jylý magıstraliniń jóndelip jatqan bóliginde boldy.
Apat jylý júıesindegi tirekterdiń biriniń durys ornatylmaýyna baılanysty týyndady. Sonyń saldarynan 6-shy shaǵynaýdandaǵy 58 kóp qabatty turǵyn úı jylýsyz qaldy. Qazir apattyń saldaryn joıý jumystary júrgizilip jatyr.
«Ókinishke qaraı merdigerlik mekemeniń qyzmetkerleri jetispeı jatyr. Sol sebepten qosymsha kómek retinde «AMT» mekemesi kómek berýde. Az ýaqytta apat bolǵan aýmaqtaǵy aqaýlardy joıý úshin barlyq qajetti is-sharalardy atqaratyn bolamyz. «Oqjetpes-T» JShS basshysyna jylý bolmaǵan ýaqyt boıynsha aýdan turǵyndaryna tólem eseptemeý boıynsha tapsyrma berildi», - dedi «Temirtaý qalasynyń kommýnaldyq sharýashylyq, jolaýshylar kóligi jáne avtomobıl joldary bólimi» MM basshysy Rınat Qydyrbekov.