Temirtaýda JEO -2-de órt boldy

QARAǴANDY. QazAqparat  - Temirtaýdaǵy 2-jylý  elektr stansasynda bý qubyry oramynyń janýy saldarynan páterlerge jylý berý shekteldi, dep habarlaıdy »QazAqparat» tilshisi.

 «ArselorMıttal Temırtaý» kompanııasy baspasóz qyzmetiniń habarlaýynsha,  JEO-2 -de tórtinshi týrbogeneratordaǵy bý qubyrynyń oramy otqa oranǵan.

 «Órt tezdetip óshirildi, odan ári qyzmetkerlerdiń kúshimen tolyqtaı sóndirildi»,-dep málim etti «ArselorMıttal Temırtaý» AQ baspasóz qyzmetinen.

Órttiń saldarynan №4 týrbına jumysy toqtatyldy. Keleńsiz oqıǵa qala turǵyndaryn sýyqqa tońýǵa májbúr etti.

Degenmen energetık basqarmasynyń málimdeýinshe, jylý taıaý saǵattarda qalpyna keltiriledi.