Temirtaýda jaıaý júrginshini kólik qaǵyp, mert qyldy

TEMІRTAÝ. QazAqparat – Temirtaýda 40 jastaǵy turǵyndy kólik qaǵyp, mert qyldy, dep habarlaıdy QazAqparat.

Qaıǵyly oqıǵa 21 sáýir kúni 21.25 saǵat shamasynda Temirtaý qalasyndaǵy Chernyshevskıı kóshesiniń boıynda bolǵan. Jaıaý júrginshiler ótýge bolmaıtyn jerden joldy qıyp ótken jolaýshyny 20 jastaǵy jigit basqaryp kele jatqan «Hyundai Creta» kóligi qaǵyp ketken.

«Jol-kólik oqıǵasynyń saldarynan 40 jastaǵy jaıaý júrginshi oqıǵa ornynda mert boldy. Atalǵan derek polıtsııada tirkeldi. Tıisti saraptamalar taǵaıyndalyp, qorytyndysy boıynsha naqty protsessýaldyq sheshim qabyldanatyn bolady. Polıtsııa departamenti jol qozǵalysy qatysýshylarynan jol júrý erejelerin qatań saqtaýǵa shaqyrady», - dep málimdedi Qaraǵandy oblysynyń PD baspasóz qyzmeti.