Temirtaýda jas balany zorlady dep kúdikke ilingen adam kamerada asylyp qaldy

TEMІRTAÝ. QazAqparat – Temirtaý qalalyq sotynyń ýaqytsha ustaý kamerasynda qamaýǵa alynǵan adam sýıtsıd jasady, dep habarlaıdy QazAqparat tilshisi.

Tótenshe jaǵdaı 57 jastaǵy kúdiktige qatysty bultartpaý sharasyn sanktsııalaǵannan keıin bolǵan.

«Tergeýge alynǵan adam kámeletke tolmaǵan balaǵa seksýaldyq sıpattaǵy zorlyq-zombylyq jasady degen kúdikke ilindi. Atalǵan fakti boıynsha Qylmystyq kodekstiń 105-babynyń 1-bóligi «Óz-ózine qol jumsaýǵa jetkizý» boıynsha sotqa deıingi tergeý júrip jatyr», - dep habarlady Qaraǵandy oblysynyń polıtsııa departamenti.

Oblystyq sottyń baspasóz qyzmeti kúdikti sot ǵımaratynyń arnaıy ızolıatorynyń kamerasyna qamalǵanyn, sol jerde asylyp, ózine qol jumsady dep málimdedi.

Qaraǵandy oblysy PD ózindik qaýipsizdik basqarmasy Temirtaý qalasy polıtsııa basqarmasy qyzmetkerleriniń qyzmettik mindetterine nemquraıly qaraý faktisi boıynsha sotqa deıingi tergeýdi bastady.