Temirtaýda vaktsına alǵandar arasynda tórt iPhone men baǵaly syılyqtar oınatylady

TEMІRTAÝ. QazAqparat – Temirtaý qalasynyń Jastar resýrstyq ortalyǵy demeýshilermen birlesip vaktsınatsııalanǵan qala turǵyndary arasynda tórt iPhone jáne baǵaly syılyqtar utys oıynyn iske qosty, dep habarlaıdy QazAqparat tilshisi.

Utys oıynyna qatysý úshin 2–30 tamyz aralyǵynda koronavırýsqa qarsy vaktsınanyń birinshi komponentin alý kerek.

«Tórt iPhone 11 jáne basqa da qundy syılyqtardyń utys oıyny qala turǵyndaryn vaktsınatsııalaýǵa yntalandyrý úshin ótkiziledi. Qazir elimizde jáne bizdiń óńirde epıdemıologııalyq jaǵdaı kúrdeli ekeni barshaǵa málim. Tek vaktsınatsııa ǵana bizge ózimizdi qaýipsizdendirýge jáne pandemııany jeńýge kómektesedi. Biz azamattardy vaktsınatsııadan ótýge jáne bizdiń utys oıynyna qatysýǵa shaqyramyz», – dep atap ótti Temirtaý jastar resýrstyq ortalyǵynda.

Alǵashqy iPhone 2–8 tamyz aralyǵynda vaktsına alǵandar úshin oınatylady.

Ekinshi telefondy 9–15 tamyz aralyǵynda vaktsınatsııalanǵan adam alady. 16–22 tamyz aralyǵynda vaktsınatsııalanǵan úshinshi gadjetti syılyqqa alady. Tórtinshi telefon 23–29 tamyz aralyǵynda vaktsınatsııa pýnktine baryp, ekpe alǵan Temirtaý qalasynyń turǵynyna beriledi.

«Júlde ıegeri bolý úshin vaktsınatsııa pýnktin tańdap, vaktsınatsııa jasap, 9, 16, 23 jáne 30 tamyz kúnderi utys nátıjelerin kútý kerek. Jeńimpazdar kezdeısoq tańdaý ádisimen anyqtalady», – dedi Temirtaý jastar resýrstyq ortalyǵynda.