Temirtaýda úkimettik emes uıymdardyń konferentsııasy ótti

TEMІRTAÝ. QazAqparat - Temirtaý qalasyndaǵy QR Tuńǵysh Prezıdentiniń Ortalyǵynda «Qaraǵandy oblysynyń azamattyq sektory – 30 jyl birge» atty Qaraǵandy oblysynyń úkimettik emes uıymdarynyń XVII konferentsııasy ótti, - dep habarlaıdy saryarqanews.kz tilshisi.

Oǵan ÚEU ókilderi, memlekettik organdar, etno-mádenı ortalyqtar, saıası partııalar, BAQ ókilderi qatysty.

Joba «Qaraǵandy oblysynyń ishki saıasat basqarmasy» MM memlekettik áleýmettik tapsyrysy aıasynda júzege asyryldy.

Atalmysh shara Qaraǵandy oblysynda úkimettik emes uıymdardy qoldaý men damytýdyń memlekettik saıasatyna sáıkes jyl saıyn ótkiziledi. Onyń ishinde basty is-shara ÚEU oblystyq konferentsııasy.

ÚEU Festıvali úsh kezeńde ótti:

1. ÚEU konferentsııasy
2. ÚEU jobalarynyń kórmesi
3. «Eń tańdaýly ÚEU-2021» konkýrsynyń nátıjeleri

Shara barysynda Táýelsizdik jyldarynda júzege asyrylǵan áleýmettik mańyzy bar jobalar kórmesi, etno-mádenı ortalyqtardyń ulttyq taǵamdar kórmesiniń jumysy tanystyryldy. Sondaı-aq, ÚEU týraly arnaıy daıyndalǵan beıne rolıkter kórsetildi.

Buqaralyq aqparattyq quraldar úshin onlaın jáne offlaın formatta brıfıng uıymdastyryldy.

Shara sońynda 2021 jyldyń eń tańdaýly ÚEU-y, qoǵamnyń damýyna zor úles qosqan belsendi azamattar jáne memlekettik organ ókilderi marapattaldy.