Temirtaýda tegin balalar lageri ashyldy

TEMІRTAÝ. QazAqparat – Temirtaý qalasynyń mádenıet saraıy ekinshi jyl qatarynan balalarǵa taza aýada tegin jazǵy lager uıymdastyryp keledi. Munda balalarǵa sheberlik synyptary, shyǵarmashylyq stantsııalar jáne basqa da oıyn-saýyq is-sharalary usynylady, dep habarlaıdy QazAqparat tilshisi.

Lagerge 7 jastan 13 jasqa deıingi balalar jazyla alady. Kelesi baǵyttar boıynsha tórt taqyryptyq maýsym daıyndaldy: shyǵarmashylyq, medıa, eriktilik jáne ekologııa.

Bir maýsymǵa 20-dan astam bala qabyldanady. Uzaqtyǵy – 10 kún.

Shyǵarmashylyq maýsym bastaldy. Ol 24 maýsymǵa deıin jalǵasady. Uıymdastyrýshylar ata-analardan bul sharadan qalys qalmaýdy suraıdy, jazylý áli jalǵasýda.

Eriktiler maýsymy 27 maýsym men 8 shilde aralyǵynda ótedi.

11–22 shilde aralyǵynda jas temirtaýlyqtardy BAQ pen medıa maýsymy kútip tur.

Sońǵy, ekologııalyq maýsym 25 shildede bastalady. Lager jumysyn 6 tamyzda aıaqtaıdy.

«Balalarmen pedagog jáne tálimger jumys isteıdi. Sonymen qatar, biz «Shańyraq» eriktiler ortalyǵymen yntymaqtasamyz, sondyqtan bizge taǵy eki volonter kómektesedi», – deıdi mádenıet jáne demalys bóliminiń mádenı uıymdastyrýshysy Vıoletta Kýklına.

Lagerdiń jumys ýaqyty - 10:00-den 13: 00-ge deıin.