Temirtaýda sý taǵy 2 kún kestemen beriledi

QARAǴANDY. QazAqparat – Temirtaý qalasynda sý endi eki kún boıy kestemen berilmek. Bul týraly QazAqparat tilshisiniń saýalyna jaýap bergen shahar ákimdiginiń baspasóz qyzmetinen málim etti.

«Sýmen jabdyqtaý júıesindegi apat 12 shildede joıyldy. Qazir sý keste boıynsha berilip jatyr. Shamamen eki kún boıy osy kesteni ustaný josparlanyp otyr», - dep jaýap berdi qala ákimdiginiń baspasóz qyzmetinen tilshi saýalyna oraı.

Eske salaıyq, qubyrdyń tozýyna jáne sýyq sýdy tutyný shyǵynynyń artýyna baılanysty Temirtaý qalasynda 11 shildeden bastap sý kestemen berilip jatyr.

«Ertis-Qaraǵandy sý qubyry boıynsha sý kóleminiń jetkiliksiz túsýine, qubyrdyń tozǵan jaǵdaıyna, sondaı-aq sýyq sýdy tutyný shyǵynynyń ulǵaıýyna baılanysty «Oqjetpes-T» JShS sharýashylyq aýyz sýmen jabdyqtaýdy keste boıynsha berýge májbúr ekenin habarlaıdy. Osyǵan baılanysty 11, 12, 13, 14 shilde kúnderi sý saǵat 6:00-den 10:00-ge deıin jáne 18:00-den 23:00-ge deıin beriledi. Sharýashylyq aýyz sý qoryn jınap alýyńyzdy suraımyz», - dep jazylǵan buǵan deıin jarııalanǵan ákimdik habarlamasynda.

Toqtaǵan ýaqyttarda úılerdiń aýlasyna kólikter arqyly sý jetkiziledi.