Temirtaýda sátsiz saýda-sattyqtan keıin jabylǵan Sport klýbynyń taǵdyry ne bolmaq

ASTANA. QazAqparat - Temirtaý qalasynda saýdaǵa shyǵarylyp, satyp alýshynyń tabylmaýynan jumysyn toqtatý sheshimi qabyldanǵan «Sport klýbynyń» jabylýy onyń qurylym bólimderiniń qyzmetine keri áserin tıgizbeıdi. Klýbtyń quramyndaǵy Júzý basseıni, Muz aıdyny saraıy jáne basqa da sporttyq nysandar burynǵysha jumys isteı beretin bolady. Bul jaıynda oblystyq dene tárbıesi jáne sport basqarmasynyń arnaıy aqparat konferentsııasynda aıtyldy, dep habarlaıdy QazAqparat aımaq ákimdiginiń baspasóz qyzmetine silteme jasap.

«QR Úkimeti Qaýlysymen bekitilgen jekeshelendirýdiń 2016-2020 jyldarǵa arnalǵan keshendi josparyna sáıkes, Temirtaý qalasynyń «Sport klýby» QMKM básekelik ortaǵa berilýge tıisti nysandar tizimine engizilgen bolatyn. Alǵashqy satylym 2016 jyldyń 29 jeltoqsanyna belgilenip, nysannyń bastapqy quny 1,1 mlrd tengege baǵalandy. Baǵasy 50%-ǵa tómendetilgen ekinshi saýda 2017 jyldyń 9 aqpanynda ótti. Al 23 naýryzda ótken úshinshi saýdada baǵa 228 mln teńgege deıin tústi. Alaıda, satyp alýǵa yqylas tanytýshylar bola qoımady»,- dep atap ótti Temirtaý qalasy ákiminiń orynbasary mindetin atqarýshy Dáýren Esimhanov.

«Memlekettik múlik týraly» QR Zańy boıynsha, eger satýǵa qoıylǵan mekeme úsh saýdadan keıin satylmaıtyn bolsa, taratylýy qajet.
ıAǵnı Azamattyq Kodekstiń talaby boıynsha, taratýmen aınalysatyn uıymnyń balansynda turǵan mekeme memlekettiń menshigine qaıtarylýy qajet. Budan ári nysannyń taǵdyryn bılik sheshetin bolady. 

Temirtaý qalasyndaǵy «Sport klýbynyń» quramyna 50 metrlik júzý basseıni, Muz aıdyny saraıy, «Metallýrg» stadıony jáne Aqtaý kentiniń sport kesheni kiredi.

«Temirtaý qalasynyń «Sport klýby» QMKM zańdy tulǵa retinde jabylyp otyr. Alaıda, barlyq sporttyq nysandar men jumys oryndary saqtalady. Bapkerler, jumysshylar men tehnıkalyq qyzmetkerler quramy -barshasy burynǵysha jumystaryn jalǵastyra beredi.Nysandar oblystyń menshigine ótedi. Biz olardy óz menshigimizge alyp, Temirtaý qalasyndaǵy olımpıadaǵa daıyndaý baǵytyndaǵy balalar men jasóspirimderdiń sporttyq mektebiniń quramyna beremiz», - dedi óz sózinde oblystyq dene tárbıesi jáne sport basqarmasynyń basshysy Natalıa Sýhorýkova.

Sondaı-aq, basqarma basshysy Sátbaev qalasyndaǵy sporttyq-saýyqtyrý kesheniniń de máselesi osyndaı jolmen sheshilgenin aıtyp ótti.
Temirtaýdyń sport klýbynyń qyzmetkerler quramy - 270 adam. 1 jeltoqsannan bastap jumysshylardy jańa oryndarǵa ornalastyrý josparlanyp otyr.

Temirtaý qalasy ákimdiginiń málimetinshe, Sport klýbynyń sektsııalaryna 1700 bala qatysady.Balalar men jasóspirimderdiń olımpıadaǵa daıyndaý sporttyq mektebin keńeıtý qosymsha qarajatty talap etedi. Ázirshe qansha qajet ekeni belgisiz. Esepteý júrgizilýde.