Temirtaýda mas erkek páteriniń esigin jaýyp alyp, úıdi jaryp jiberem dep qorqytty

TEMІRTAÝ. QazAqparat - Qaraǵandylyq polıtseıler úıdi jaramyn dep qorqytqan azamatty ustady, dep habarlaıdy QazAqparat polıtsııaǵa silteme jasap.

9 sáýir kúni keshki saǵat 18.58 shamasynda polıtsııaǵa qaladaǵy kópqabatty úılerdiń birinde úıdiń dálizinde tútin jáne kenetten daýys shyqqany týraly habar tústi.

Oqıǵa orynyna patrýldik polıtsııa jasaǵy jiberildi.

Belgili bolǵandaı, sol úıde turatyn azamat ishimdik ishken soń páteriniń esigin jaýyp alyp, úıdegi gaz ballonyn jaramyn dep qorqytqan.

Polıtsııa qyzmetkerleri jáne Temirtaý qalalyq tótenshe jaǵdaılar basqarmasynyń qyzmetkerleri kópqabatty úıdiń turǵyndaryn evakýatsııalap, oqıǵa ornyn qorshaýǵa aldy.

Saǵat 20.20 shamasynda polıtsııa qyzmetkerleri 35 jastaǵy azamatty ustady.

Atalǵan fakt polıtsııada tirkeldi. Qazirgi ýaqytta oqıǵanyń tolyq mán jaıy anyqtalyp jatyr.