Temirtaýda er adam sýǵa batyp ketti

Temirtaý. QazAqparat - Temirtaýda Nura ózenine 36 jastaǵy er adam batyp ketti. Súńgýirler onyń denesin birneshe saǵattan soń sýdan alyp shyqty, dep habarlaıdy QazAqparat tilshisi.

Jazataıym oqıǵa 6 shildede saǵat 12:50-de Temirtaý qalasynda bolǵan. «Alma» saıajaı qoǵamynyń aýmaǵynda, Nura ózeniniń eski arnasynda, shomylýǵa jabdyqtalmaǵan jerde 1987 jyly týǵan er adam sýǵa batyp ketti. Ol dostarymen demalysta bolǵan.

«Іzdestirý jumystaryn júrgizý barysynda saǵat 18:55-te qutqarýshylar sýǵa batqan adamnyń denesin ózennen alyp shyqty»,-dep habarlady Qaraǵandy oblysy TJD baspasóz qyzmeti.

TJ departamenti Qaraǵandy oblysy turǵyndardy sýǵa shomylý kezeńinde kelesi erejelerdi saqtaýdy suraıdy:

- Jabdyqtalmaǵan jerlerde shomylýǵa qatań tyıym salynady;

- Júze almasańyz, belden joǵary sýǵa túspeńiz;

- Balalardy qaraýsyz qaldyrmańyz;

- Mas kúıde shomylmańyz;

- Beıtanys jerlerde shomylmańyz;

- Túnde shomylmańyz;

- Taqtalardy jáne júzýge arnalmaǵan basqa zattardy paıdalanbańyz;

- Keýdesheler men belbeýleri sekildi qutqarý jabdyqtarynsyz júzý quraldarynda bolýǵa qatań tyıym salynady;

Oqys oqıǵalar men TJ kez kelgen faktileri týraly 112 nemese 8 (7212)

433636, 433737 telefondaryna qońyraý shalyńyzdar.