Temirtaýda ekologııany baqylaıtyn ınspektsııa ashylady

NUR-SULTAN. QazAqparat - Ekologııa, geologııa jáne tabıǵı resýrstar mınıstri Maǵzum Myrzaǵalıev Temirtaýǵa kópshiliktiń ótinishi boıynsha qalada turatyn jáne ekologııalyq zańbuzýshylyq pen problemalar týraly jedel esep beretin ekologııalyq ınspektordy jiberetin boldy, dep habarlaıdy QazAqparat.

Bul týraly mınıstr juma kúni Temirtaý qalasynyń turǵyndarymen onlaın-kezdesý barysynda málimdedi.

«Temirtaýdaǵy jeke ekologııalyq mamanǵa qatysty aıtsam, buǵan deıin mundaı tájirıbe bolǵan emes. Biraq bir aı buryn qala jurtshylyǵymen kezdesken kezde bul másele taǵy kóterildi. Biz máseleni sheshtik. Ekologııalyq problemalardy kózben kórip, sezinetin jáne jedel aqparat jiberetin, Temirtaýda turatyn jáne jumys isteıtin jeke ekologııalyq ınspektor bólip otyrmyz. Sóıtip, bul másele sheshildi», - dedi M.Myrzaǵalıev turǵyndar men qoǵam qaıratkerleriniń ótinishteri týraly aıta kelip.

Kezdesýde qalanyń qoǵam qaıratkerleri Ekologııa mınıstrligimen birlesip, Temirtaýdaǵy ekologııalyq problemalardy sheshýdiń Jol kartasy jobasyn talqylady. Shara barysynda turǵyndar sonymen qatar aınalasynda emes, qalanyń ishinde aǵash otyrǵyzý máselesin surady.

«Temirtaý turǵyndarynyń suranysy túsinikti. Ótken jyly biz «Arselor Mıttal Temirtaýmen» 500 myń aǵash otyrǵyzý týraly keliskenbiz. Bul mańyzdy joba, ol qalanyń ǵana emes, óńirdiń de sáni bolýy tıis. Osy sátti paıdalanyp, Temirtaý qalasynyń ákiminen qalada tıisti jer telimin bólý múmkindigin qarastyrýdy suraımyn. Biz onda kompanııamen jáne jurtshylyqpen birge osy aǵashtardy qalada otyrǵyzaıyq», - dedi mınıstr.

Taǵy bir talqylanǵan negizgi bir taqyryp atmosferalyq aýa men kásiporyn emıssııalarynyń jáıi.

Ekologııa mınıstrliginiń basshysy Ekologııalyq kodeks jobasyna elimizdegi kásiporyndardyń ozyq qoljetimdi tehnologııalardy engizý normasy engizilgenin eske saldy.

«Bul - eýropalyq tájirıbe. Sonyń arqasynda Eýropa shyǵaryndylardy 94% tómendete aldy. Degenmen bul protsestiń jedel oryndalmaıtyny týraly birden eskertkim keledi. Eýropada ol úshin 15 jyl qajet bolǵan. Tıisti standarttar men anyqtamalyq kitapshalardy daıyndaýǵa 3-4 jyl ýaqyt ketedi. Al barlyq zaýytty osyndaı OQT-ǵa aýystyrý 2025 jyldan bastalady. Oǵan kóshý úshin kásiporyndarǵa 10 jyl beriledi. Eger kompanııa OQT júıesine kóshpese, onda bul jaǵdaıda shyǵaryndy úshin tólem 2,4,8 ese ósedi. Sonymen birge memleket emıssııa tóleýden bas tartady. ıAǵnı, memleket, salystyrmaly túrde aıtqanda, kásiporyndardyń OQT engizý shyǵynyn bólisedi. Biraq biz zańdyq turǵyda OQT engiziletin 2035 jyldy kútip otyrǵymyz kelmeıdi. Bul jumysty biz byltyr bastaǵanbyz, endi ony ári jalǵastyramyz», - dedi M. Myrzaǵalıev.

Qala jurtshylyǵynyń barlyq usynystary Temirtaý qalasynyń ekologııasyn jaqsartý jónindegi Jol kartasyna engiziledi.