Temirtaýda balany óltirgen kúdikti anyqtaldy

TEMІRTAÝ. QazAqparat – Temirtaýda balany óltirgen kúdikti anyqtaldy, ony ustaý boıynsha sharalar júrgizilip jatyr, dep habarlaıdy QazAqparat Rolisia.kz-ke silteme jasap.

«Polıtsııa Temirtaýda kámeletke tolmaǵan balany óltirdi degen kúdiktini anyqtady. Balanyń máıiti 23 naýryzda qaladaǵy páterlerdiń birinen tabylǵan bolatyn.

Kúdiktiniń jeke basy anyqtaldy. Ol balanyń anasymen birge turatyn 24 jastaǵy er adam ekeni belgili boldy.

Atalǵan derek boıynsha qylmystyq is QR Qylmystyq kodeksiniń 99-baby 3-bóligine sáıkes tirkeldi.

Qazirgi ýaqytta kúdiktige izdeý jarııalandy. Ony ustaý boıynsha keshendi is-sharalar júrgizilip jatyr», - delingen polıtsııa habarlamasynda.

Málim etilgendeı, ózge aqparat tergeý qupııalylyǵyna baılanysty jarııalaýǵa jatpaıdy.