Temirtaý turǵyny betmobıl qurastyrdy

TEMІRTAÝ. QazAqparat – Temirtaýdyń otyz jastaǵy turǵyny Evgenıı Bondarenko betmobıl qurastyrdy. Erekshe kólikti qurastyrýǵa ol úsh jyl ýaqytyn jumsaǵan, dep habarlaıdy QazAqparat tilshisi.

Evgenıı onlaın-saýda salasynda jumys isteıdi. Bala kezinen ol Betmen men Krıstofer Nolannyń «Temnyı rytsar» dastany týraly fılmniń jankúıeri bolǵan.

«Men bala kezimnen fılmderdi, komıksterdi jaqsy kóremin. Barlyǵy sodan bastaldy. Men betmobıl qurastyrýǵa tyrystym. Aldymen jobasyn úıimde edenge saldym. Sodan keıin ony is júzinde jasap shyǵarýdyń joldaryn oılastyrdym. Óz jobamdy «Ford» júk kóliginiń artqy kópirinen bastadym. Sodan keıin men basqa kólikterdiń bólshekterin qoldandym», – dedi Evgenıı.

Evgenııdiń betmobıli áli aıaqtalǵan joq. Biraq ossy qalpynda da júrgizýge jaramdy. Ázirge joba avtory test-draıv ótkizbegen. Biraq ol óziniń erekshe temir tulparyn jarnama jasaý úshin paıdalanýǵa jáne onymen birge kórmelerge qatysýǵa nıetti.

«Qazirgi ýaqytta men jol talǵamaıtyn kólik qurastyrýmen aınalysqym keledi. Onyń ótkizgishtigi óte joǵary bolady. Árıne, ol betmobılge qaraǵanda qarapaıymyraq bolady», – dep Evgenıı josparlarymen bólisti.