Temirtaý turǵyndaryna shabýyl jasaǵan kúdiktiler qolǵa tústi
Temirtaý qalalyq polıtsııa basqarmasyna 21 jastaǵy eki turǵyn aryzdandy. Olar belgisiz azamattardyń ózderine qatysty shabýyl jasaǵanyn aıtty. Kúdiktiler jábirlenýshilerge kúsh qoldaný arqyly olarda bar baǵaly zattardy alyp, oqıǵa ornynan izderin jasyrǵan.
Jábirlenýshilerge keltirilgen shyǵyn kólemi 1 mıllıon 47 myń teńgeni quraǵan. Olar kúdiktilerdiń jastary 20-25 jas aralyǵynda ekenin aıtty.
Krımınaldyq polıtsııa qyzmetkerlerimen júrgizilgen keshendi jedel-izdestirý is-sharalary barysynda osy iske qatysy bar degen kúdikpen 19 ben 22 jas aralyǵyndaǵy eki azamat ustaldy. Olar moıyndaý kórsetpe belgilerin berip, aıǵaq zattar tárkilendi.
Atalǵan derek boıynsha Qazaqstan Respýblıkasy QK-niń 191-babyna sáıkes qylmystyq is qozǵaldy. Tergeý amaldary júrgizilip jatyr.