Temirtaý turǵyndaryna latyn álipbıin tegin úıretpek

QARAǴANDY. QazAqparat - Temirtaý qalasynda «Qazaq alfavıtiniń reformasy» taqyrybynda Qoǵamdyq kelisim keńesiniń ókilderimen kezdesý boldy, dep habarlaıdy Qaraǵandy oblystyq ishki saıasat basqarmasynyń BAQ bólimi. 

Kezdesýde qazaq tiliniń latyn grafıkasyna negizdelgen alfavıtke satylaı ótýine qatysty máseleler talqylandy. Sharaǵa qatysýshylardyń barlyǵy bul ıdeıany qoldady. Temirtaý qalasynyń tilderdi damytý ortalyǵynyń dırektory Merýert Ahmetjanova ózi basshylyq jasaıtyn mekemeniń turǵyndarǵa kómektesip, latyn jazýyna negizdelgen álipbıdi tegin úıretetinin jetkizdi.

Sondaı-aq kezdesýde latyn jazýyna kóshýdiń artyqshylyqtary týraly Temirtaý qalasynyń Tarıhı-ólketaný murajaıynyń dırektory Natalıa Skorıkova, Qaraǵandy Memlekettik ındýstrııaldyq ýnıversıtetiniń Temirtaý qalasy boıynsha tárbıelik jumys jáne jastar saıasaty departamentiniń dırektory, fılolog Mádına Sálpenova men taǵy basqalar pikir bildirdi.