Temirtaý murajaıy Elorda kúnine oraı onlaın-aýktsıon ótkizedi

TEMІRTAÝ. QazAqparat – Temirtaý tarıhı-ólketaný murajaıy elimizdiń bas qalasy týraly kóp bilý maqsatynda onlaın rejımde «Bozoqtan Nur-Sultanǵa deıin» atty aýktsıon ótkizedi.

Zııatkerlik-etnografııalyq aýktsıony 3 shilde kúni saǵat 13:00-de murajaıdyń @temirtau.muzey Instagram-paraqshasynda tikeleı efırde ótedi.

Aýktsıonǵa qatysýshy kez kelgen azamat Nur-Sultanǵa qatysty suraqtarǵa jaýap berip, ózderiniń bilim deńgeıin kórsete alady.

Sharada aldymen elordanyń tarıhymen baılanysty Murajaı eksponattary, fotosýretter men qujattar kórsetiledi. Olar zııatkerlik aýktsıonnyń suraqtaryna jaýap berýdiń bastapqy núktesi bolady.

8 lot oınatylady. Alǵashqy bolyp durys jaýap bergen adamdar murajaıǵa tegin barý bıletterin syılyqqa alady.

Barlyq qosymsha aqparat: (8-7213) 93-19-05.