Temirtaý men Aqtaýda jel ushyrǵan kópqabatty úılerdiń shatyry bıýdjet esebinen jóndeledi

QARAǴANDY. QazAqparat – Temirtaý men Aqtaý kentinde qatty jelden buzylǵan 10 kópqabatty úıdiń shatyry bıýdjet qarajaty esebinen qalpyna keltiriledi. Jalpy, myń sharshy metr aýmaq zaqymdalǵan, dep habarlaıdy QazAqparat Qaraǵandy oblysynyń ákimdigine silteme jasap.

Aqtaý kentinde jumys bastaldy. 8-kvartaldaǵy №32 bes qabatty úıdiń shatyry qalpyna keltiriledi. Temirtaýda merdiger kompanııalar ázirge tek jumystardy baǵalaý satysynda. Munda 10 kóp qabatty úı ishinara shatyrsyz qalǵan.

«Temirtaýda jergilikti aýqymdaǵy tabıǵı sıpattaǵy tótenshe jaǵdaı jarııalandy. Daýyldyń saldaryn joıý úshin bıýdjet qarajaty esebinen jóndeý-qalpyna keltirý jumystaryn qarjylandyrýdy qamtamasyz etý týraly sheshim qabyldandy. Qatty jeldiń saldarynan zaqymdalǵan ǵımarattar men turǵyn úıler ǵana jóndeýge jatady. Ázirge jedel shtabqa 10 úıdiń turǵyndary kómek surap, júgindi», - dep habarlady Temirtaý ákimdiginiń baspasóz qyzmeti.

Esterińizge sala keteıik, 21 shildede Temirtaý men Aqtaý kentinde qatty jel ekpininen 10 kópqabatty turǵyn úı zardap shekti. Daýyldy jeldiń jyldamdyǵy «Qazgıdromettiń» málimeti boıynsha, sekýndyna 32 metrge jetken.