Temirtaý balalar aýylynyń túlekterine Jasóspirimder úıi cyıǵa tartyldy

QARAǴANDY. QazAqparat – «Halyq» qaıyrymdylyq qory Temirtaý balalar aýylynyń túlekterine Jasóspirimder úıin syılady. Jetim balalar onda ómir súre alady jáne qala ómirine aýyrtpalyqsyz kirise alady, dep habarlaıdy QazAqparat oblys ákimdiginiń baspasóz qyzmetine silteme jasap.

Jańa Jasóspirimder úıi Qaraǵandynyń Ońtústik-Shyǵysynda ornalasqan. «Halyq» qaıyrymdylyq qory ol úshin turǵyn úı keshenderiniń birinde tórt bólmeli páter satyp aldy. Jańa otbasylyq úıdiń aýdany – 140 sharshy metr.

«Yńǵaıly Jasóspirimder úıinde 16 jastan 18 jasqa deıingi jeti bala turady. Olar Qaraǵandy kolledjderi men joǵary oqý oryndarynda oqıdy. Osyndaı balalar úshin jasóspirimder úılerin asha otyryp, biz olardy qalalyq ortaǵa úıretkimiz keledi», – dep atap ótti «Halyq» QQ basqarýshy dırektory Narıman Ábilshaıyhov.

Jasóspirimder úıine kóshý qoǵamǵa birqalypty áleýmettený men ıntegratsııany qamtamasyz etýge múmkindik beredi.

Túlekter tálimgerlerdiń baqylaýymen ómir súredi. Úıdiń janynda barlyq qajetti ınfraqurylym bar.

«Úlken qalaǵa kóshý – bir kezderi ata-anasynyń nazarynan tys qalǵan jastardyń áleýmettenýi men óz betinshe ómir súrýi úshin jasalǵan mańyzdy qadam. Jasóspirimder úıinde jaıly ómir súrý úshin barlyq jaǵdaı bar: turmystyq tehnıka men jıhaz», – dep atap ótti «SOS Qazaqstan Balalar aýyldary» korporatıvtik qorynyń Ulttyq dırektory Gúljan Asanova.

Úıdiń janynda dúkender, dárihanalar, aıaldamalar, saıabaqtar bar. Biraq basty artyqshylyǵy – oqý oryndaryna nebári 20 mınýt ishinde jetýge bolady.

Qor jetimderdi turǵyn úımen qamtamasyz etý jónindegi jumysty odan ári jalǵastyrýǵa nıetti.