Temir jol bıletteriniń qymbattaýy kórsetiletin qyzmet sapasyna saı bolýy tıis - S.Ahmetov

ASTANA. 21 qańtar. QazAqparat - Temir jol bıletteriniń qymbattaýy kórsetiletin qyzmet sapasyna saı bolýy tıis. Bul týraly búgin «Qazaqstan temir joly» UK» AQ-nyń alqa májilisinde QR Úkimet basshysy Serik Ahmetov aıtty.

Premer-Mınıstrdiń atap ótýinshe, temir jol kóligi bıletteriniń qymbattaýy kórsetiletin qyzmet sapasyna saı bolýy tıis. Bul rette jaýapty bólimsheler men kompanııalar basshylary turaqty túrde poıyzdarǵa minip, olardaǵy sanıtarlyq normalardyń saqtalýyn jáne qyzmet kórsetý sapasyn tekserip turýy tıis. Óıtkeni, S.Ahmetovtiń paıymynsha, poıyz brıgadasynyń qyzmetkerleri vagondarda sanıtarlyq normalardy saqtaý boıynsha ózderiniń mindetterin salǵyrt oryndap, jolaýshylardy bıletsiz tasymaldaýǵa beıim.

«Jolaýshylar tarapynan meniń blogyma jáne BAQ-qa alys saparlarǵa shyǵatyn poıyzdarǵa, sondaı-aq qala mańy tasymaldaryna shaǵymdardyń túsip jatatyndyǵy qupııa emes»,- dedi ol.