Temekige aktsız kezeń-kezeńimen kóteriledi - Álibek Qýantyrov

NUR-SULTAN. QazAqparat – 2024 jyly temekige aktsız keminde 28 evro deńgeıinde belgilenýi tıis. Bul týraly Májilistiń jalpy otyrysynda Salyq kodeksine ózgerister engizý jónindegi qujatty qaraý kezinde Ulttyq ekonomıka mınıstri Álibek Qýantyrov málim etti, dep habarlaıdy QazAqparat tilshisi.

Temeki ónimderine salyq salý salasyna toqtalǵan mınıstr: «Eýrazııalyq ekonomıkalyq odaq aıasynda temeki ónimderine arnalǵan aktsızderdiń mólsherlemelerin úılestirý jónindegi mindettemeler qabyldandy. 2024 jyly temekige aktsız keminde 28 evro deńgeıinde belgilenýi tıis. Mindettemelerdi oryndaý úshin temekige aktsızderdi kezeń-kezeńimen kóterý usynylady», - dedi.

Onyń aıtýynsha, temeki ónimderiniń basqa túrleri boıynsha, sonyń ishinde qyzdyrylatyn temekisi bar ónimderge aktsızderdi kezeń-kezeńimen ulǵaıtý eskerilgen.

Budan buryn habarlanǵandaı, atalǵan zań jobasyn birinshi oqylymda talqylaý kezinde elimizde paıdaly qazbalardy óndirý salyǵynyń kólemi artatyny aıtyldy.

Sonymen qatar tsıfrlyq maınıngke salyq júktemesi kúsheıtilmek.