Temeki ónimderine aktsızder mólsherlemelerin úılestirý qalaı júredi

NUR-SULTAN. QazAqparat - Parlament Senatynyń jalpy otyrysynda «Eýrazııalyq ekonomıkalyq odaqqa múshe memleketterdiń temeki ónimderine aktsızder salasyndaǵy salyq saıasatyn júrgizý qaǵıdattary týraly kelisimdi ratıfıkatsııalaý týraly» Zańy qabyldandy, dep habarlaıdy QazAqparat tilshisi.

«Kelisim jobasynda 2024 jyldan bastap ındıkatıvtik mólsherleme men odan aýytqý dıapazondaryn qoldaný, EEK Keńesine aktsızderdiń ındıkatıvtik mólsherlemesin bekitý jáne negizdelgen ekonomıkalyq turaqtalyq bolǵan kezde olardy ózgertý boıynsha ókilettikter berý kózdeledi. Aktsızder stavkalaryn jaqyndastyrý 2024 jyldan bastap júzege asyrylatyn bolady. Árbir bes jyl saıyn biryńǵaı ındıkatıvtik mólsherleme jáne odan aýytqý dıapazony belgilenedi», - dedi QR Ulttyq ekonomıka mınıstri Áset Erǵalıev.

Onyń aıtýynsha, 2024 jyly sıgaretterge qatysty ındıkatıvtik mólsherleme 1000 dana úshin 35 eýroǵa ekvıvalentti mólsherde ulttyq valıýtada belgilengen.

«Úılesimdilikke qol jetkizý maqsatynda 2024 jyly temekige arnalǵan aktsızderdiń naqty mólsherlemeleri 20 paıyz sheginde ındıkatıvtik mólsherlemeden kóp nemese az bolýy múmkin. Zań jobasy temeki ónimderine arnalǵan aktsız mólsherlemeleriniń ulǵaıýy esebinen bıýdjetke qosymsha túsimdi qamtamasyz etedi. Osylaısha, Kelisim Eýrazııalyq ekonomıkalyq odaqqa múshe memleketterdiń aýmaǵynda temeki ónimderiniń aktsızderin salý salasynda biryńǵaı praktıka qoldanýdy qamtamasyz etýge múmkindik beredi», - dedi mınıstr.