Temeki aktsızderin Reseımen teńestirý qajet - «Temeki tútininen ada Qazaqstan úshin!» ulttyq koalıtsııasy

ASTANA. 30 mamyr. QazAqparat - Tómen aktsızder Qazaqstandaǵy temeki ekspansııasyn kúsheıtip otyr. Astanada ótken brıfıngte «Temeki tútininen ada Qazaqstan úshin!» ulttyq koalıtsııasynyń basshysy Jámılıa Sadyqova osylaı aıtty.

«Búginde elimizde temeki ónimderiniń aktsızderi, ıaǵnı osy taýarǵa salynatyn salyq 13-aq paıyzdy qurap otyr. Ol jaǵynan biz Qyrǵyzstannan da qalyp qoıdyq», - deıdi J.Sadyqova. Onyń aıtýynsha, Kedendik odaq aıasynda Qazaqstannyń aktsızderin Reseımen teńestirý qajet. Bul másele ótken aıda Eýrazııalyq ekonomıkalyq komıssııada da kóterilgen bolatyn. Sol kezde Reseıdiń Qarjy mınıstrligi qazaqstandyq áriptesterine tıisti hat ta joldapty. «Qazaqstannyń Qarjy mınıstrligi aktsızderdi Reseımen teńestirýge daıyn ekendigin jetkizgen. Biraq bári osymen bitti de qaldy. Oǵan baılanysty bizge eshkim tushymdy jaýap bermeı jatyr», - deıdi J.Sadyqova.