Temeki baǵasy qymbattap, shylym shegetinder azaıdy

<p>Bıyl shilde aıynda ulttyq statıstıka bıýrosy tabak tutynatyndar sanyn anyqtap, onyń aldyn alý jáne baqylaý maqsatynda 11,8 myń úıge saýalnama júrgizdi. <a href="https://ranking.kz/reviews/socium/tseny-na-sigarety-vzletayut-a-kurilschikov-stanovitsya-vsyo-menshe-obzor-situatsii.html" target="_blank" rel="noopener">Ranking</a> osy saýalnmamaǵa sholý jasady.&nbsp;</p>

Azamattardyń kóbi temeki men qorqor paıdalanbaıtyn bolyp shyqty. Byltyrǵy jylmen salystyrǵanda jaman ádetke qumartpaıtyn azamattar sany artty: qorqor tartpaıtyndar 96,2%-ten 96,4%-ke, tabak tutynbaıtyndar 79,6%-ten 80,6%-ke kóbeıdi.

Sonymen qatar, saýalnamaǵa qatysqandardyń 3,6%-i kalıan shegedi: 0,4%-i – kúnde, 3,2% - kún saıyn emes.

Temekini respondentterdiń 19,4%-i paıdalanady: 15,8% - kúnde, 3,6% - keıde.

Gender boıynsha bólgende temeki shegetin erkekter úlesi – 36%, áıelder – 8,5%.

Saýalnamaǵa sáıkes, shylym shegetin respondentter kúnine jalpy 12,9 mln tabak ónimin tutynady.

Bul bir jyl burynǵy kórsetkishke qaraǵanda 0,4%-ke kóp.
Paıdalanylatyn tabak ónimderiniń kóp bóligi, ıaǵnı 11,9 mln ónim – ónerkásiptik jolmen óndirilgen temeki.

Bul 2022 jylmen salystyrǵanda 3,9%-ke az.

Sondaı-aq qazaqstandyqtar arasynda qaǵazǵa oralǵan temeki (255,5 myń), sıgara (oraýly jýan shylym) men sıgarılla (234,8 myń), IQOS nemese GLO úlgisindegi temekini qyzdyrý qurylǵysy (228,5 myń), elektron temekiler (136,5 myń), tútikshe (74,9 myń) jáne qorqor (24,5 myń) tanymal.

Óndiristik temeki, sıgara men sıgarıllany áıelderge qaraǵanda erkekter jıi tartatynyn aıta ketken jón.

Al qaǵazǵa oralǵan, elektron temeki men tabakty qyzdyrý quraldaryn erlerge qaraǵanda áıelder jıi paıdalanatyn bolyp shyqty.

Al qorqorǵa áýes er men áıel sany teń eken.

2023 jyldyń qazanynda elde temeki baǵasy aıyna 2,1%-ke, jylyna 20%-ke qymbattady.

Óńirler boıynsha, bir aı ishinde Aqmola (plıýs 4,8%), Qostanaı (plıýs 4%) jáne Atyraý (plıýs 3,8%) oblystarynda qymbattaǵy qattyraq baıqalǵan.

Pavlodar men Qyzylorda oblystarynda temeki baǵasyna eń az, árqaısysynda 0,1% qana qosylǵan.

Jyldyq kórsetkish boıynsha, Qostanaı oblysynda birden 27,9%-ke qymbattap ketti.

Odan keıingi oryndarǵa Batys Qazaqstan (plıýs 24,6%) jáne Jetisý (plıýs 23%) oblystary ornalasqan.

Qyzylorda oblysynda shylym shegetinderge qymbatshylyq asa baıqalmaǵan, sebebi ol 15,8%-pen sońǵy orynda tur.