Telejúrgizýshi Ásel Asqardy soqqyǵa jyqqan sportshy qamaýǵa alyndy
Almaty qalasynyń ákimshilik quqyq buzýshylyq ister jónindegi mamandandyrylǵan aýdanaralyq sotynda usaq buzaqylyq faktisi boıynsha M.-ǵa qatysty ákimshilik is qaraldy (ÁQBtK-niń 434-babynyń 1-bóligi).
«Sot osy jyldyń tamyz aıynda qaladaǵy fıtnes-klýbta azamat M.-nyń janjal shyǵaryp, balaǵat sózder aıtyp, A.-ǵa qurmetsizdik kórsetip, qoǵamdyq tártip pen azamattardyń tynyshtyǵyn buzǵany anyqtaldy. Sot otyrysynda kúdikti is materıaldarynda kórsetilgen mán-jaılardy rastap, jasaǵan áreketine ishinara ókindi», - delingen sot taratqan aqparatta.
Sot qaýlysymen er adam ÁQBtK-niń 434-babynyń 1-bóliginde kózdelgen ákimshilik quqyq buzýshylyqty jasaǵany úshin kináli dep tanylyp, oǵan 15 táýlikke ákimshilik qamaqqa alý túrindegi ákimshilik jaza taǵaıyndaldy.
Sot úkimi zańdy kúshine engen joq.
Aıta keteıik, tanymal qazaqstandyq telejúrgizýshi jáne bloger Ásel Asqar sportshynyń ózine qol kótergenin aıtyp, shaǵymdanǵan bolatyn.