Telejúrgizýshi Ásel Asqar sportshydan taıaq jegenin aıtty: Polıtsııa tergeý bastady

ALMATY. QazAqparat –Tanymal qazaqstandyq telejúrgizýshi jáne bloger Ásel Asqar sportshynyń qolynan taıaq jegenin aıtty, dep habarlaıdy QazAqparat tilshisi.

Bloger vıdeoúndeý jarııalap, «Roıal» fıtnes klýbynda er adam – grek-rım kúresinen chempıon, kásipqoı balýan ózin betinen birneshe ret urǵanyn, qazir onyń tarapynan qoqan-loqy kórip jatqanyn aıtty.

Ásel Asqar qala prokýrory men polıtsııa basqarmasy basshysynan kómek surady.

Almaty qalalyq Polıtsııa departamenti atalǵan oqıǵaǵa qatysty jaýap berdi.

«Blogerdi urdy degen kúdikpen 27 jastaǵy er adam anyqtaldy. Derek Medeý aýdandyq polıtsııa basqarmasynda tirkelip, tergeý amaldary júrgizilip jatyr. 1996 jyly týǵan M.-ǵa qatysty QR Ákimshilik quqyqbuzýshylyq týraly kodekstiń 73-1-baby (»Uryp-soǵý«) jáne QR ÁQBtK-niń 434-baby (»Usaq buzaqylyq«) boıynsha ákimshilik is qozǵaldy», - dep habarlady vedomstvodan.

Jaraqatynyń aýyrlyǵyn anyqtaý úshin Ásel Asqarǵa saraptama taǵaıyndaldy.

«Іs materıaldar sheshim qabyldaý úshin sotqa joldanady. Tergeý barysy Almaty PD basshylyǵynyń baqylaýynda», - dep atap ótti Almaty qalalyq polıtsııanyń baspasóz qyzmetinen.