Telekópir: Prezıdent dári-dármek keshenin iske qosty

ASTANA. QazAqparat - QR Prezıdenti Nursultan Nazarbaev ındýstrııalandyrý kúni aıasynda «ArcelorMittalTubularProductsAktau» AQ-synyń tehnologııalyq keshenin ashty. Atalǵan shara jalpyulttyq telekópir arqyly ótti, dep habarlaıdy QazAqparat tilshisi.

«ARCELORMITTAL TUBULAR PRODUCTS AKTAU» AQ bas dırektory Magomed Ibragımovtyń aıtýynsha, atalǵan kásiporyn Kaspıı aımaǵynda ámbebap óndiristik keshen bolyp sanalady.  Osydan keıin Memleket basshysy «Hımfarm» AQ-synyń taǵy bir tsehyn iske qosty. Kompanııanyń bas dırektory Ijı Ýrbanets osymen úshinshi tsehtyń ashylyp otyrǵanyn jetkizdi.

«Biz jalpy kólemi 108 mln dollar kóleminde ınvestıtsııa quıýdy josparlap otyrmyz. Jańa tsehty iske qosqannan keıin biz eksporttyq áleýetimizdi 1,5 mlrd teńgege jetkize alamyz. «Hımfarmnyń» atynan farmatsevtıkalyq salany qoldap, ınvestorlarǵa yńǵaıly jaǵdaı jasaǵanyńyz úshin alǵys aıtamyz», - dedi Ýrbanets. 

Óz kezeginde Prezıdent otandyq farmatsevtıkany damytý qajettigine basa nazar aýdardy.