Telekópir: Qytaı men Ózbekstanǵa gaz eksporty artady
«Qurmetti Elbasy! Osy jobanyń arqasynda Reseı, Qytaı, Ózbekstanǵa tasymaldanatyn tranzıttik jáne eksporttyq gazdyń kólemi artady. «Bozoı» jerasty gaz qoımasy - elimizdiń energetıkalyq qaýipsizdigin qamtamasyz etýde strategııalyq mańyzy bar. Jańa qondyrǵy ónimdilikti arttyryp, táýligine 27 mln tekshe metrge jetkizbek. Bul batys pen ońtústiktegi qazaqstandyq tutynýshylardy gazben úzdiksiz qamtamasyz etýge múmkindik beredi. Nursultan Ábishuly, iske qosýǵa ruqsat etińiz!», - dedi «QazMunaıGaz» UK» AQ aǵa vıtse-prezıdenti Ibýlla Serdi.
Óz kezeginde Memleket basshysy Nursultan Nazarbaev el úshin bul óte mańyzdy joba ekenin, elimizdiń óńirlerin gazben qamtamasyz etýde úlken jobalar iske asyrylyp jatqanyn atap ótti.«Óndiristerińiz tabysty bolsyn. Іske qosyńyzdar!»,- dedi Prezıdent.
Aıta keteıik, Astanada Memleket basshysynyń qatysýymen «Jańa ındýstrııalandyrý: qazaqstandyq barystyń qadamy» ulttyq telekópiri ótip jatyr. Shara barysynda onlaın-rejıminde búkil el boıynsha jańa ındýstrııalyq-ınnovatsııalyq, ınfraqurylymdyq, energetıkalyq, agroónerkásiptik jobalar iske qosylýda.