Telegram sońǵy úsh jylda alǵash ret úlken tabysqa keneldi

<p>ASTANA.KAZINFORM &mdash; 2024 jyl messendjer úshin óte tabysty jyl boldy. Bul týraly onyń negizin qalaýshy Pavel Dýrov málim etti.</p>

Pavel Dýrovtyń aıtýynsha, messendjer monetızatsııanyń úsh jylynda alǵash ret paıda ákele bastady.

— Bıyl Telegram Premium jazylýshylarynyń sany úsh esege ósip, 12 mıllıonnan asty. Jarnamadan túsetin tabysymyz da birneshe ese ósti. Nátıjesinde 2024 jyly Telegram-nyń jalpy tabysy 1 mıllıard dollardan asty, biz jyldy krıpto-aktıvterdi eseptemegende 500 mıllıon dollardan astam aqsha qorymen aıaqtaımyz, — dedi Pavel Dýrov Telegram arnasynda.

Ol tórt jyl ishinde Telegram shamamen 2 mıllıard dollar qaryzdyq mindettemeler shyǵarǵanyn jáne onyń aıtarlyqtaı bóligi osy kúzde ótelgenin atap ótti.

Biz buǵan deıin Qazaqstanda Telegram keńsesi ashylatynyn habarlaǵan bolatynbyz.