«Telegram» qosymshasy ınterfeısiniń qazaqshasy shyqty
Reseılik JOO túlegi 24 jastaǵy Tımýr Beher óziniń serikterimen qazaq tildi qaýymnyń Telegramdy kedergisiz qoldanýy úshin ınterfeısti qazaqshalaýdy qolǵa alǵan.
Buǵan deıin mobıldi qosymsha ınterfeısiniń 13 tildi nusqasy bar bolatyn.
«Qazaqstandyqtar úshin óte qolaıly mobıldi qosymshanyń qazaq tildi ınterfeısiniń bolmaýy men úshin túsiniksiz jaıt. Elimizde qazaq tilin damytýǵa baılanysty kóptegen jumys atqarylyp jatyr, sondyqtan biz Telegramdy qazaqshalaýdy jón dep taptyq. Ózim qazaq tilin jetik meńgermegendikten aýdarmashy jaldadym. Jumys osymen bitti dep aıta almaımyn, mobıldi qosymsha ýaqyt ótken saıyn jańaryp otyrady. Tıisinshe qoldanysqa jańa sózder enedi», - dedi Tımýr Beher.
Joba avtorynyń aıtýynsha, qazaqsha Telegramda qatelikter bolýy múmkin. Sondyqtan qoldanýshylar tarapynan eskertýler men usynystar bolǵan jaǵdaıda skrın-kóshirmeni @qz_gram daırektine joldaı alady.
Telegram qoldanýshylary óz messendjerin qazaqsha ınterfeıske aýystyrý úshin faıldy @QazTransBot botynan júktep alyp, nusqaýlyq boıynsha ornatýy tıis. Qazaqtildi nusqa iOS jáne Android platformalarynda qoljetimdi.
Telegram-region málimetinshe, Telegram messendjeri Qazaqstanda eń kóp júktelgen mobıldi qosymshalardyń biri. Ár kún saıyn álemde atalǵan messendjer qoldanýshylarynyń sany jarty mıllıon adamǵa artyp otyrady.